Ka ardhur më në fund e para thirrje nga qeveria Rama që shqiptarët të lindin sa më shumë fëmijë. Atë që e bën Vuçiç prej kohësh në Serbi, duke parë tkurrjen e popullsisë nga rënia e natalitetit, e ka bërë së fundi zv/ministri i Mbrojtjes, Petro Koçi.
“U bëj thirrje shqiptarëve të bëni sa më shumë fëmijë sepse kjo është në të mirë të kombit, kjo është në të mirë të Shqipërisë”, tha veteran socialist, tashmë nr. 2 i Mbrojtjes shqiptare, gjatë një ceremonie në Vaun e Dejës ku 30 efektivë u nisën drejt Afganistanit në një mision paqëruajtës.
Edhe pse prej kohësh është vënë alarmi që dhe Shqipëria po tkurret, sa prej emigracionit galopant, po aq dhe nga rënia e lindshmërisë, ndjeshmëria qeveritare, së paku për të përcjellë apele ndërgjegjësuese, deri më tani ka qenë zero. /tesheshi.com/
