Është arritur më në fund, pas një odiseje policore, e më pas një zhurme mediatike, që djali i deputetit socialist Rahman Rraja, Rrexhepi, të arrestohet nën akuzën e ushtrimit të dhunës ndaj shtetases XhisielA Maloiku. Ka qenë prokurorja e Krujës, Enkelejda Hoxha, ajo që ka firmosur urdhër-arrestin, ndërsa dosja është qepur nga një kolege e saj, prokurorja Mirela Kapo.
Ka reaguar menjëherë kryeministri Rama duke shkruar:
“Ndryshe nga ata që dje u bënë mburojë e të kërkuarve nga drejtësia duke i hapur luftë prokurorisë dhe sot po ridhunojnë vajzën për politikë, ne mbështesim drejtësinë e barabartë për të gjithë gjithmonë. Inkurajoj prokurorinë të mos ndalet deri në fund”.
Deri më tani, ishte një “mister” mosarrestimi i Rexhep Rrajës. Çështja morri famë mediatike, pasi polici që do hetonte, Emiljano Nuhu, u largua në arrati dhe që nga Zvicra denoncoi atë që e konsideronte kërcënim ndaj tij, duke përzierë dhe emrin e deputetit Taulant Balla.
Çështja më pas morri përmasë politike. /tesheshi.com/
