Liderët kosovarë të prirë nga Isa Mustafa, Hashim Thaçi, Kadri Veseli kanë përgëzuar kombëtaren shqiptare me rastin e kualifikimit për Euro 2016 për herë të parë në historinë e popullit shqiptar.
Në urimin e kryeministrit Mustafa thuhet:
“Urime kombëtares së Shqipërisë dhe të gjithë shqiptarëve anë e kënd! Ishte ky një moment i shumëpritur dhe tani një kualifikim meritor për në Franca 2016. Për këtë u punua shumë, dhe një kontribut të spikatur e dhanë edhe futbollistët kosovarë, me lojën e të cilëve ndjehemi krenar të gjithë shqiptarët.”
Dekadat e ardhshme në sport do të jenë padiskutueshëm në favorin tonë, sepse tani edhe Kosova po depërton fuqishëm në skenën sportive ndërkombëtare dhe ne zotohemi se përkrahja institucionale nuk do t’u mungojë asnjëherë për sukseset e tyre të mëtejme, thuhet në urimin Mustfaës.
Ndërsa z/kryeministri Thaçi ka thënë se kombëtarja shqiptare shkruan historinë më shkronja të arta.
“Kombëtarja kuq e zi shkruan historinë e futbollit shqiptar me shkronja të arta, kualifikohet për në Evropianin 2016 në Francë. Festë e jashtëzakonshme për të gjithë shqiptarët anembanë botës. I uroj djelmoshave kuq e zi shumë fat në EURO 2016.”
Edhe kreu i Kuvendit Kadri Veseli ka uruar shqiptarët për kualifikimin e Kombëtares në Euro 2016/
“Ju lumtë djemve të kombëtares, gëzuar të gjithë shqiptarëve.”/tesheshi.com
