Misri është një nga ushqimet më karakteristike të kësaj stine. Ai nuk mungon nëpër rrugët e qyteteve tona i përgatitur me pjekje në prush por, a është mënyra e duhur për ta konsumuar? E vërteta është se mënyra më e mirë për të konsumuar misrin është ajo e zierjes. Pjekja në prush e dëmton strukturën e lëkurës së misrit, e cila mund të shkaktojë probleme të stomakut. Me zierjen ne përfitojmë gjithë të mirat që misri ka me bollëk si:
-Vitamina C, folate dhe të kompleksit B duke përbërë kështu një ushqim të shkëlqyer për zemrën
-Antioksidantë si luteina dhe zeaksanthinë që forcojnë shikimin
-Fibra që ushqejnë veçanërisht zorrën e trashë duke përmirësuar situata si kapsllëku dhe hemorroidet!
-Proteina, të cilat së bashku me fibrat ndikojnë shumë mirë edhe në rregullimin e sheqerit në gjak!
Këshilla: Konsumojeni misrin të zier dhe shoqërojeni me pak qumësht të përzier me gjizë, majdanoz ose koliandër ose borzilok të freskët dhe pak kripë në mëngjes. Misri shkon shumë mirë edhe me pak gjalpë të freskët dhe erëza. /tesheshi.com/
