Modelja izraelite May Tager u bë e para sosh nga vendi i saj që mori pjesë në një set fotografik në Emiratet e Bashkuara Arabe, pasi të dy vendet ranë dakord të normalizonin marrëdhëniet muajin e kaluar, raporton Reuters.
May pozoi me pizhame ndërsa fotografohej në shkretëtirë së bashku me tjetër modele me bazë në Emiratet e Bashkuara Arabe, të njohur si Anastaia.
Ne ndjekim rregullat këtu
Izraeli dhe Emiratet e Bashkuara Arabe ranë dakord të normalizojnë marrëdhëniet më 13 gusht, duke e bërë Emiratet e Bashkuara Arabe vendin e parë të Gjirit dhe të tretë arab për ta bërë këtë, kur marrëveshja të nënshkruhet përfundimisht.
Seti fotografik, në të cilin dy modelet mbanin flamuj të tundur të Izraelit dhe Emirateve të Bashkuara Arabe, u realizua në rërë në shkretëtirën e Dubait, një nga shtatë emiratet që përbëjnë Emiratet e Bashkuara Arabe dhe qendra rajonale për biznes dhe turizëm.
Për respekt të zakoneve dhe traditave të Emirateve të Bashkuara Arabe, kompania zgjodhi për to vetëm rroba gjumi.
“Ne ndjekim rregullat këtu”, tha May Tager.
Meqenëse vizat e hyrjes ende nuk janë lehtësisht të disponueshme për qytetarët izraelitë dhe fluturimet direkte midis dy vendeve nuk janë vendosur, ekipi izraelit i fotografisë mbërriti në Dubai me fluturime përmes Evropës dhe me pasaporta jo-izraelite.
“Në momentin që dëgjuam për marrëveshjen e normalizimit, ne menduam se xhirimi në Dubai do të ishte një gjë shumë emocionuese”, tha producentja Noya Yohananoff, duke shtuar se u desh pak kohë për të marrë dokumentet e nevojshme.
Izraeli dhe Emiratet e Bashkuara Arabe kanë theksuar përfitimet ekonomike që mund të sjellë normalizimi dhe tashmë janë nënshkruar disa marrëveshje bashkëpunimi biznesi.
Një delegacion izraelit vizitoi Abu Dhabi javën e kaluar për të diskutuar normalizimin. /tesheshi.com/
