Algjeria inauguroi një xhami gjigande në bregdetin e Mesdheut të dielën pasi vite trazirash politike e transformuan projektin nga një simbol i fuqisë dhe fesë i sponsorizuar nga shteti në një simbol të vonesave dhe tejkalimeve të kostove.
Ekziston edhe një librari e madhe në Xhaminë e Madhe të Algjerit, ku minarja është 265 metra e lartë, duke e bërë atë më të lartën në botë.
Hapësira e lutjes e xhamisë së tretë më të madhe në botë dhe më e madhja jashtë qyteteve më të shenjta islame, mbulon 20,000 metra katrorë dhe vendi i adhurimit mund të strehojë 120,000 besimtarë.
Presidenti algjerian Abdelmajid Tebboune ishte ai që hapi këtë xhami të dielën në Algjer.
Por ndërkohë, kjo xhamia ishte e hapur për turistët e huaj dhe vizitorët vendas në Algjeri për rreth pesë vjet.
🇩🇿| Le Président de la République, Abdelmadjid #Tebboune, inaugure officiellement la Grande Mosquée d’#Alger. Dotée d’une salle de prière de 20 000m2, pouvant accueillir 120 000 personnes et avec un minaret haut de 265 mètres, c’est la 3e plus grande mosquée au monde. #Islam… pic.twitter.com/taynTxc4C0
— The Algerian Post (@TheAlgiersPost) February 25, 2024
Kështu, xhamia hapet zyrtarisht në prag të muajit të Ramazanit, i cili fillon për pak javë, në mars.
Përveç madhësisë së saj, xhamia është më e njohur për vonesat dhe polemikat që kanë karakterizuar shtatë vitet e ndërtimit të saj, duke përfshirë zgjedhjen e një vendi që ekspertët kanë paralajmëruar se është sizmikisht i rrezikshëm.
Por shteti e mohoi këtë në një deklaratë të dielën të publikuar në faqen e internetit të agjencisë shtetërore të lajmeve APS.
Të dhënat zyrtare tregojnë se vlera e projektit është 898 milionë dollarë.
Xhamia ishte fillimisht një projekt i ish-presidentit Abdelaziz Bouteflika, i cili e projektoi atë të ishte më e madhja në Afrikë.
Ai donte që ajo të ishte trashëgimia e tij dhe e quajti “Xhamia Abdelaziz Bouteflika” e ngjashme me Xhaminë “Hassan II” në Casablanca, Marok.
Por protestat që përfshinë Algjerinë në vitin 2019 dhe e çuan Bouteflika-n të jepte dorëheqjen pas 20 vitesh në pushtet e penguan atë të zbatonte planet e tij për të emëruar xhaminë me emrin e tij dhe për ta hapur atë në shkurt 2019 siç ishte planifikuar.
Një fat të ngjashëm, por për të tjera arsye, po ka dhe Xhamia e Madhe në Tiranë, e cila edhe pse e përfunduar nuk hapet për një ngërç politiko-fetar mes shtetit turk dhe KMSH-së. /tesheshi.com/
