Policia në Australi po heton një akuzë rrëqethëse se deputetja dhe zëvendësministrja e Shëndetësisë e Queensland, Brittany Lauga është sulmuar seksualisht pasi ishte droguar.
Sipas asaj që tha zëvendësministrja australiane, ajo u sulmua gjatë një nate jashtë.
“Kjo mund t’i ketë ndodhur kujtdo dhe, tragjikisht, po ndodh me shumë prej nesh,” tha ajo.
37-vjeçarja shkoi në një komisariat dhe më pas në spital më 28 prill, siç shkruan BBC. “Analizat në spital konfirmuan praninë e lëndës narkotike në trupin tim, të cilën nuk e kisha marrë”, tha zv.ministrja në një postim në rrjetet sociale, duke shtuar se substanca e kishte prekur “dukshëm”.
Lauga thuhet se ra në kontakt me gra të tjera që thanë se kishin rezultuar pozitive për drogë po atë natë.
“Ne duhet të jemi në gjendje të shijojmë shoqërimin në qytetin tonë pa rrezikun e drogës apo sulmit”, theksoi politikania, duke shtuar se asaj i duhet kohë që të “shërohet fizikisht dhe emocionalisht”. /tesheshi.com/
