Tek rubrika Retro e tesheshi.com, ndodhet dhe një shkrim i gazetarit Mentor Kikia: Me bombë për të takuar Berishën (prill, 1995)
Bëhet fjalë pra për një ngjarje të 20 viteve më parë. Por veç të dhënave në shkrim, tesheshi.com ofron dhe një, atë që është ndër më kryesoret lidhur me ngjarjen: emrin e njeriut që guxon t’i afrohet bombëmbajtësit dhe ta neutralizojë atë.
Në një video të siguruar së fundmi, e cila është transmetuar dhe nga RAI në atë kohë, shihet një person me xhup, qartazi një ushtarak por i veshur civili, pikërisht nga fiziku, i cili ndërhyn i pari për t’ja hequr bombën nga duart kërcënuesit.
Më pas, pasi gjithçka ka marrë fund, ai përgëzohet nga kolegët për guximin dhe profesionalizmin e treguar. Është fjala për Henrik Elmazajn, ish-komandant i RENEA-s, por që prej shumë vitesh nuk është në rradhët e Policisë së Shtetit.
Xhirimet e këtij momenti janë bërë pikërisht nga mediat e huaja të cilat ishin prezente atë ditë për të përcjellë vizitën e presidentin Scalfaro në Tiranë. /tesheshi.com/
