Policia e Kapitolit hetoi një incident të premten që përfshinte një ligjvënës republikanm të cilit iu gjet një pistoletë e mbushur ndërsa po përpiqej të hynte në Shtëpinë e Përfaqësuesve, zbuloi një zyrtar i Kapitolit.
Përfaqësuesi republikan Andy Harris, një avokat për të drejtat e armëve, u gjet me një armë zjarri ndërsa kaloi një kontroll të sigurisë gjatë rrugës për në Dhomën e Përfaqësuesve të enjten mbrëma.
Republikani i Maryland-ir pastaj u përpoq t’i dorëzonte armën republikanit John Katko i cili refuzoi, duke i thënë se nuk kishte një leje, thuhej në raport.
Detektorët e metaleve janë ngritur përpara Shtëpisë së Përfaqësuesve për të rritur sigurinë pas sulmit të 6 janarit nga mbështetësit e ish-Presidentit Donald Trump në Kapitol. Pesë njerëz u vranë në trazirat dhe ligjvënësve iu desh të fshiheshin.
Disa ligjvënës republikanë, ithtarë të flaktë të të drejtave të armëve, protestuan ndaj detektorëve të metaleve dhe disa i injoruan ato.
Zyrat e Harris dhe Katko nuk iu përgjigjën një hetimi të çështjes.
Policia e Kapitolit nuk ishte në dispozicion për komente.
Një zyrtar i Kapitolit, i cili dëshironte të mbetej anonim, tha se ligjvënësit lejoheshin të kishin armë në zonën e Kapitolit derisa të futeshin, por nuk lejoheshin brenda Dhomës së Përfaqësuesve.
Harris u largua nga Kapitoli dhe u kthye në më pak se 10 minuta. Ai kaloi një kontroll sigurie dhe u lejua të hynte në shtëpinë e ulët, thuhej në raport.
Kryetarja e Dhomës Nancy Pelosi ka bërë thirrje për një ndryshim në rregullat që diktojnë gjobat për ata që nuk ndjekin protokollet e sigurisë – 5,000 dollarë për veprën e parë dhe 10,000 dollarë për veprën e dytë që do të zbriten nga pagat e deputetëve. Dhoma e Ulët e parlamentit ende nuk ka votuar për ndryshimin e propozuar. /tesheshi.com/
