Larja korrekte e dhëmbëve nuk ka të bëjë vetëm me higjienën tuaj orale. Moslarja e saktë ose e pamjaftueshme e dhëmbëve çon në sëmundje të gingivave (mishit të dhëmbëve), e cila është shkaku kryesor në rënien e dhëmbëve tek te rriturit, si dhe mund të shkaktojë sëmundje të zemrës.
Larja e saktë e dhëmbëve çdo ditë ju ndihmon në parandalimin e formimit të pllakës dentare.
Furça juaj
- Furçat e vogla janë më të mirë pasi ato mund të arrijnë në hapësira të gojës tuaj ku furçat më të mëdha nuk mund të arrijnë. Furça juaj duhet jetë mesatare ose e butë dhe me pjesë të gomuara në mënyrë që të eliminojë pllakën bakteriale. Zëvendësojeni furçën tuaj çdo tre muaj ose kur e shihni që fijet e saj kanë humbur rregullsinë.
Koha e larjes
- Koha ka rëndësi të veçantë. Jo vetëm që duhet ti lani dhëmbët dy herë në ditë por gjithashtu duhet edhe ti kushtoni minimalisht 3 minuta çdo larjeje. Është ndihmues nëse ju përdorni një kronometër ose një furçë që e ka një të tillë, e cila fraksionon kohën e larjes.
Metoda
- Përdorni lëvizje të shpejta të shkurtra dhe sidomos në hapësira ku ka mbushje ose punime të tjera dentare. Fërkoni me furçë duke filluar nga linja e gingives dhe duke vazhduar me çdo dhemb në mënyrë që të gjithë të marrin sasinë e duhur të fërkimit. Më pas pastroni edhe sipërfaqet përtypëse.
Gjuha
- Që të shmangni halitozen (era e keqe e gojës) ju mund ta përdorni furçën edhe mbi gjuhë, me lëvizje delikate para mbrapa . Kjo siguron që të gjitha papastërtitë të eliminohen.
Filli dentar
- Ju duhet të përdorni fillin çdo ditë, në mënyrë që të evitohet formimi i pllakës bakteriale, e cila shkakton sëmundje të gingivare si dhe karjes dentar. Përdoreni fillin mbasi të lani dhëmbët në mënyrë që të arrini një higjienë sa më të mirë në hapësirat ndërmjet dhëmbëve./tesheshi.com/
