Donald Trump ka emëruar gjenerallejtënantin H.R. McMaster si këshilltar për sigurinë kombëtare.
Presidenti amerikan e përshkroi të emëruarin e tij të ri në këtë post si “një njeri me talent dhe përvojë të jashtëzakonshme”.
McMaster emërohet në këtë detyrë pas largimit të gjeneralit Michael Flynn, që e la shpejt postin për shkak të bisedave me ambasadorin rus në SHBA, për sanksionet ndaj Rusisë, përpara nisjes së punës së administratës së re amerikane dhe mosraportimit të tyre.
Robert Harward ishte në fakt zgjedhja e parë e Trump-it për këtë post pas largimit të Flynn-it; një detyrë që nuk u pranua nga Harward për arsye familjare dhe financiare.
Trump njoftoi gjithashtu se këshilltari i përkohshëm për sigurinë kombëtare, Keith Kellogg, ka për të shërbyer tani si shef i personelit të Këshillit të Sigurisë Kombëtare. /tesheshi.com/
