Gushti i vitit që shkoi duket i largët, por jehona e ndeshjes së boksit Mayweather-McGregor ende vijon të dëgjohet. Për më tepër kur protagonistët “pickohen” në distancë e mediat, vrapojnë të përcjellin tek secili, batutën e rradhës.
Pas deklaratës së bujshme të kampionit absolut të botës, Mayëeather, se mund të ndeshej me irlandezin edhe në Octagon, pra ringun e arteve marciale mikse, nëse paguhet 1 miliard dollarë, vjen përgjigjja e sfiduesit.
McGregor ka postuar në Twitter një fotomontazh, duke goditur me shqelm 40-vjeçarin, nën të cilën ka vendosur diçiturën: “Nëse ai ndeshet me mua në arte marciale mikse, kthehet në shtëpi vetëm me makinën e funeralit”.
Kaq kanë dashur mediat dhe e kanë hedhur në “treg” postimin e irlandezit, për të pritur kundërbatutën e amerikanit. Deklarata nxitëse, edhe pse të pashoqëruara me shifra.
E për një tip “para-ndjellës” si Mayweather, që numri i zerova pas shifrave mund ta miklojë disi, vetëm kur të dalë ndonjë i çmendur që të hedhë 1 miliard dollarë, do të ketë diçka interesante për të menduar. Në të kundërt, do të kemi thjesht shfaqjen “llafazane” të konsumit mediatik. /tesheshi.com/
