Rrjeti ushqimor McDonald’s u detyrua të kërkojë falje një gruaje shtatzënë pasi në vend të qumështit të kafesë i kishte servirur gabimisht një agjent kimik.
Sarah Douglas, në muajin e 8-të të shtatzënisë, porositi një kafe më qumësht në një vendqëndrim makinash në provincën Alberta në Kanada të dielën e kaluar. Dhe më vonë, teksa udhëtonte vuri re se diçka nuk shkonte te kafeja e porositur. Dyshimet e çuan të konstatonte se një masë e lëngshme ishte hedhur aty në vend të qumështit.
Ajo u kthye në McDonald’s për t’u sqaruar dhe vërtet u konstatua një gabim në shërbim, që mund t’i kishte kushtuar shtrenjt shëndetit të saj.
Restoranti më vonë kërkoi falje për incidentin dhe sqaroi se te makina e kafesë, në vend të qumështit tubi ishte i lidhur me një agjent pastrimi. /tesheshi.com/
