Raportuesi i Parlamentit Europian për Serbinë, David McAllister tha se në vitin 2019 kishte një shans për të vazhduar dhe përparuar në dialogun mes Serbisë dhe Kosovës.
“Le të gjejnë një zgjidhje, sepse ne jemi në një fazë vendimtare”, tha ai në një intervistë për Tanjug, pas vizitës së javës së kaluar në Beograd dhe Prishtinë.
“Përfundimi im është një thirrje për të gjitha palët përgjegjëse që dialogu duhet të vazhdojë. Bashkimi Evropian është i gatshëm të ndërmjetësojë në raundin e ardhshëm të dialogut, por në këtë moment ne nuk jemi ende atje”, tha McAllister.
Ai thekson se ende duhet të punojnë për të hequr pengesat për të dyja palët, që të mund të vihet deri te dialogu në Bruksel.
Ai tha se në Prishtinë përsëriti kërkesën që qeveria e Kosovës të shfuqizojë taksën 100 për qind për mallrat e importuara nga Serbia.
“Mesazhi ynë në Prishtinë ishte i qartë: i bëmë thirrje autoriteteve të Kosovës për të hequr taksën, si një shkelje te qartë e CEFTA-s dhe e Marrëveshjes për e Stabilizim Asociimit”, tha McAllister. /tesheshi.com/
