Më shumë se 100 emigrantë besohet se janë zhdukur pas mbytjes së anijes së tyre në perëndim të Libisë, theksoi zëdhënësi i marinës libiane, duke cituar të mbijetuarit.
Sipas gjeneralit Ayoub Kacem, të paktën shtatë të mbijetuar janë gjetur në det nga forcat e shpëtimit.
Kacem nuk ishte në gjendje të jepte më shumë detaje për mbytjen, që ndodhi në brigjet e Sabrathas, që ndodhet në perëndim të Tripolit.
Javën e kaluar, më shumë se 3000 emigrantë janë shpëtuar nga rojat bregdetare, ndërkohë që rreth 2000 të tjerë kanë arritur në Itali. /tesheshi.com/
