Komisioneri i lartë për refugjatët pranë OKB-së, Filipo Grandi, ishte në ishullin grek të Lesbosit ku tha se mbyllja progresive e kalimit të refugjatëve dhe migrantëve në rrugën ballkanike rrezikon të krijojë një katastrofë në Evropë.
“Shpreh keqardhje për ngjarjet e fundit të shënuara mbi një mbyllje progresive të kufijve evropianë përgjatë vendeve të Ballkanit, pasi ky fakt do të krijojë një përshkallëzim të situatës kaotike, me shumë gjasa do të rrisë në mënyrë të ndjeshme fluksin e paligjshëm”, tha ai.
Grandi po përballet me refuzimin prej dy ditësh të Maqedonisë për kalimin e afganëve të mbërritur në Greqi për të kaluar në mënyrë tranzite në territorin e saj për të vijuar më pas drejt Evropës së Veriut. /tesheshi.com/
