Ka përfunduar takimi 3-ditor i dy ministrave të jashtëm të Shqipërisë dhe Greqisë që u zhvillua në Korçë.
Prej 3 ditësh të ngujuar në një hotel privat, dy ministrat Bushati dhe Kotzias diskutuan çështje të rëndësishme ku pikat kryesore në dosjet e tyre ishin Ligji Luftës dhe varrezat e ushtarëve grekë.
Mbrëmjen e djeshme, ministri Bushati foli për herë të parë por mjaft i rezervuar në atë çka u bisedua me homologun grek.
Ndërkaq, delegacioni i Athinës zyrtare u nis drejt pikës kufitare të Kapshticës për të kthyer në atdhe, ndërsa ministri Bushati vijon të qëndrojë në ambjentet e hotelit privat.
Mbetet mister përmbajtja e marrëveshjes dhe përmbajtja e bisedimeve që janë diskutuar në mbledhjen 3-ditore, ndërsa në përfundim të takimit nuk ka patur asnjë deklaratë nga dy delegacionet. Publikut i kanë lënë vetëm një foto kolektive, me anëtarët e dy delegacioneve krah për krah, pa sqaruar arsyet e gazmendit që i shoqëron nga buzëqeshjet në çastin e pozimit. /tesheshi.com/
