Është arritur marrëveshja për qeverinë e re gjermane. Udhëheqësi socialdemokrat Martin Shchulz do të jetë ministri i Jashtëm i Gjermanisë.
Shchulz i cili ka qenë kryetar i Parlamentit Europian është një mbështetës i shpallur i Shqipërisë dhe pritet që të ndikojë pozitivisht për projektin e nisur nga Merkel për integrimin e Shqipërisë dhe Kosovës në BE.
Sipas akordit, PSD do të marrë edhe Ministrinë e Financave, ku do të shkojë kryebashkiaku i Hamburgut, Olaf Schol, i cili do të jetë edhe zv.kancelar.
Vetë Schulz ka dhënë dorëheqjen nga drejtimi i partisë, ku u zgjodh Andrea Nahles, ish-ministri i Punës dhe kreu i grupit socialdemokrat në Bundestag.
Horst Seehofer, lideri i kristiansocialëve bavarezë, aleatë me CDU-në do të jetë ministri i ri i Brendshëm, dikaster që merr kompetenca edhe më të mëdha. CSU do të mbajë edhe ministrinë e Transporteve Publike.
Në ministrinë e Mbrojtjes do të vazhdojë një grua e CDU-së, Ursula von der Leyen.
Partia e Merkel do të mbajë edhe ministrinë e Ekonomisë dhe atë të Shëndetësisë. /tesheshi.com/
