Barazimi i i fundit i Realit të Madridit në kampionatin spanjoll ishte më 1 mars, pasuar nga pesë fitore të njëpasnjëshme.
Një seri fitoresh e ndërprerë këtë pasdite nga rivalët e të njëjtit qytet, që kanë besuar gjer në fund të lojës dhe janë shpërblyer.
Reali dhe Atletiko janë ndaë në barazim 1-1 në “Santiago Bernabeu”, me vendasit që kanë mbizotëruar në pjesën më të madhe të lojës, veçse pa mundur të triumfojnë.
Një pjesë e parë më e barabartë, me raste nga të dy krahët e me pritje si nga Navas-i dhe Oblak-u, dy ruajtësit e portave respektive.
Nga bilbili i parë në pjesën e dytë, Reali ka ushtruar presion pandërprerë, për të shënuar në minutën e 52-të përmes një goditjeje me kokë të portugezit Pepe.
Vendasit duhet ta kishin thelluar rezultatin; duke dështuar të bëjnë kështu i hapën rrugë barazimit.
Barazim që erdhi në minutën e 85-të, kur Griezmann shfrytëzoi një top vertikal, krijoi hapësirë në zonë dhe shënoi.
Barazimi 1-1 e ngjit Realin në kuotën e 72 pikëve, me Barcelonën që mund të barazohet me të nëse fiton sonte në transfertën e Malagës.
Për Atletikon, pozita e vendit të tretë është e sigurt tani për tani, kështu që barazimi është si një fitore për të, pasi ka frenuar për të disatën herë në La Liga kundërshtarin numër një. /tesheshi.com/
