Kulla Eifel është evakuuar dhe të gjithëve u është ndaluar të vizitojnë një nga mrekullitë e Francës, pasi një prej vizitorëve është parë të ngjitej në majë të kullës.
Menjëherë është lajmëruar policia dhe në vendngjarje ka mbërritur edhe zjarrfikësja. Të dyja kanë bashkëpunuar për të zbritur shëndoshë e mirë turistin në tokë.
Një zëdhënës i policisë tha për publikun, rreth orës 4 të pasdites së kësaj të hëne: “Kulla Eifel është mbyllur përkohësisht, deri në një njoftim të dytë, për shkak se një turist, i cili nuk është identifikuar ende, është ngjitur në majë të kullës. Policia po negocion me vizitorin, i cili ndodhet në një pozicion shumë të rrezikshë. Për të shmngur pritjet dhe radhët e gjata, këshillojmë vizitorët të shtyjnë vizitat e tyre”
Në fotot e publikuara në rrjetet sociale tregojnë një burrë që është varur dhe mbahet me vështirësi në majën e kullës./tesheshi.com/
