Vazhdojnë lajmet e pështjelluara mbi atë çfarë po ndodh në Turqi. Megjithatë, ndryshe nga sa lajmërojnë mjetet shqiptare të informimit, në median turke nuk ka asnjë njoftim për largimin e Erdoganit drejt Gjermanisë.
Kryeministri turk, Binali Jëlldërëm, ka njoftuar për mbylljen e hapësirës ajrore turke, pasi do të rrëzohen me raketa të gjithë avionët dhe helikopterët luftarakë të puçistëve.
Zëvendëskryeministri, Numan Kurtulmush, e ka mohur të ketë një urdhër për ndalimqarkullim, duke e cilësuar këtë lajm si të rremë.
Ndërtesa e televizionit shtetëror sapo mësohet se u është marrë puçistëve, por sinjali vijon të mungojë.
Shpërthime janë dëgjuar në kompleksin e parlamentit turk, ndërsa ushtarët e puçistëve kanë qëlluar mbi njerëzit.
Forcat speciale turke kanë nisur në këto momente një operacion në ndërtesën e shtatmadhorisë. /tesheshi.com/
