Është mbyllur drafti final i reformës në drejtësi, vetëm nga ekspertët e pavarur shqiptarë, përfaqësuesit e SHBA-së dhe BE-së. Krerët e lartë të gjyqësorit do të zgjidhen me 84 vota.
Të vetmit që munguan ishin përfaqësuesit e PD-së dhe ata të ministrisë së Drejtësisë, dikaster që kryesohet nga Ylli Manjani, i zgjedhur nga radhët e LSI-së.
Eksperti Sokol Sadushi, pas mbylljes së mbledhjes, u shoqërua nga përfaqësuesit e EURALIUS-it dhe të OPDAT-it si për të shpjeguar qëndrimin dhe garancinë e dy faktorëve të mëdhenj ndërkombëtarë.
“E kemi draftin gati për ta dorëzuar. Natyrisht, ka disa gjëra të vogla që janë thjesht redaksionale, por drafti është i përfunduar”, deklaroi Sadushi.
/tesheshi.com/
