Kuvendi mbyll aplikimet për Kryeprokuror të përkohshëm. Janë shtatë kandidatë që do të garojnë në Kuvend se kush merr më shumë vota. Por më parë Komisioni i Ligjeve do të verifikojë përmbushjen e kritereve.
Ora 18:00 e pasdites së sotme ishte afati i fundit i dorëzimit të kandidaturave.
Sot, kryeministri Edi Rama ftoi sërish shefin e opozitës, Lulzim Basha, që të pranojë dialogun për të zgjedhur bashkërisht titullarin e organit të akuzës.
Ndërsa një mesazh i fortë ishte ai i ambasadorit amerikan në Tiranë, Donald Lu i cili u shpreh se duhet një Prokuror i cili nuk mbron të korruptuarit, ndërsa apeloi për marrëveshje mes palëve politike.
Kandidatët:
Arta Marku – Prokurore në Shkodër
Ferdinand Elezi – Prokuror në Durrës
Arqile Koçi – Prokuror në Prokurorinë e Përgjithshme
Besnik Muçi – Prokuror i Krimeve të Rënda
Granit Shahu – Prokuroria e Tiranës
Ermira Tafani-Prokurore në Elbasan
Artur Selmani-Prokuroria e përgjithshme. /tesheshi.com/
