Kërkimi i personave të pagjetur nga rënia e urës “Morandi” në Genova, përfundoi mesnatën e së dielës, duke e mbyllur numrin e viktimave në 43. Të gjithë këta, ishin ata që u gjenden në vendin dhe kohën e gabuar, hipur në automjetet të ndryshme, më pikënisjen e pikëmbërritje të ndryshme, me motive të ndryshme udhëtimi.
Ishin 5 ditë kërkime nën rrënoja, nga zjarrfikës dhe ekipe shpëtimi, ditë e natë, derisa u bë e mundur që të gjithë të përcilleshin në arkivole me ceremoni shtetërore, nën marshe funebre, lot e lutje klerikale.
Një ditë më parë, “Autostrade per l’Italia”, kompania që kishte me konçension mirëmbajtjen e urës, ofroi 500 milion euro dëmshpërblim për viktimat, e gjithashtu premtoi rindërtimin e saj për 5 muaj. Por ajo nuk e pranoi fajin.
Presidenti i kompanisë, Giovanni Castelluçi u shpreh i bindur se hetimet do të tregonin pafajësinë e saj në shkaet e tragjedisë. /tesheshi.com/
