Mbush 90 vjeç Giorgio Napolitano, një president me shumë rekorde

Ish Presidenti i Republikës italiane, Giorgio Napolitano ka mbushur 90 vjeç. Ish kreu i shtetit, i vetmi që ka mbajtur plotë dy mandate, do të festojë ditëlindjen në mënyrë private në Romë me familjen e tij, ndërsa të martën do të pritet në Pallatin Madamma, për të marrë një titull nderi.

Napolitano, i cili ka qenë presidenti i Republikës më i vjetri në moshë, ka qenë në krye të detyrës deri më 14 janar të këtij viti (2015).

Ai ka qenë në krye të shtetit për një kohë relativisht të gjatë, për të mos thënë që ka qenë personi që ka pasur për më shumë kohë postin e Presidentit në Itali. Ai ka marrë detyrën më 15 maj të vitit 2006 e deri më 14 janar të vitit 2015. Më 20 prill 2013 ai u rizgjodh për kreun e Presidencës.

Napoletano është një president rekordesh, pasi ai është i vetmi që është zgjedhur për herë të dytë për të qenë në krye të shtetit, në një situatë të karakterizuar nga një krizë e rëndë politike.

Kanë qenë pikërisht anëtarët e partive që ai ka kritikuar dhe ka akuzuar si të paafta për të çuar përpara reformat, ato që e zgjidhën për herë të dytë si President.

Gjatë dy mandateve të tij, Giorgio Napoletano ka dhënë aprovimin për 5 kryeministra: Romano Prodi, Silvio Berlusconi, Mario Monti, Enrico Letta e në fund Matteo Renzi. /tesheshi.com/