Ndër të paktë zëra pro-opozitës në aksionin e saj ekstrem, nr.2 i grupit parlamentar të Unionit Kristiandemokrat dhe Kristiansocial në Bundestag, ka përkrahur aktin e ç’dekretimit të datës së zgjedhjeve nga ana e prsidentit Meta.
Johann David Wadephul, njeriu që në fakt ishte i pari që nga Berlini lëshoi thirrjen për shtyerjen e datës së zgjedhjeve, pas së cilës Meta iu përgjigj me gadishmëri, edhe ai është shfaqur pa asnjë referencë kushtetuese në argumentin e tij.
“Pas këtij vendimi të presidentit, ekziston një situatë e re politike. Të gjitha palët tani duhet të kërkojnë rrugën e pajtimit. Këtu përfshihen zgjedhje lokale demokratike me disa kandidatë të mundshëm. Kjo presupozon që të gjithë ta pranojnë vendimin e presidentit dhe pastaj të marrin pjesë në garën politike.
Çdo gjë tjetër do të ishte jo evropiane dhe do t’i forconte në mënyrë të panevojshme dyshimet mbi dobinë e një procesit të aderimit. Kështu do të krijohej një bazë e re për një bashkëjetesë paqësore mes konkurrentëve politikë.
Në Evropë, çdo qeveri duhet të pranojë një opozitë kritike, dhe çdo opozitë duhet të pranojë një qeveri efektive.
Kjo është një bazë qenësore për një shtet të qëndrueshëm dhe demokratik. Nëse Shqipëria dëshiron të përshkojë këtë rrugë drejt Evropës, sigurisht që do të marrë çdo mbështetje nga Gjermania”, deklaroi Johann David Wadephul për DW.
Siç mund të dallohet, arsyetimi i zyrtarit gjerman nuk i referohet ndonjë teze të gjithëpranuar politike mbi këtë zhvillim, i cili ka mungesë të qartë të argumetit kushtetues. /tesheshi.com/
