Nga Greqia ku ndodhet për një vizitë zyrtare, presidenti rus Vladimir Putin ka kërcënuar Rumaninë dhe Poloninë, se do të mund të jenë shënjestër i raketave ruse, pasi që kanë rënë ujdi me Uashingtonin për instalimin e sistemit të mbrojtjes raketore amerikane në vendet e tyre. Këtë, Moska i konsideron kërcënim të sigurisë së saj.
Putin ka thënë se Moska vazhdimisht ka përsëritur se si do të ndërmarrë masa ndëshkimi, të cilat janë injoruar vazhdimisht nga Uashingtoni dhe aleatët, njofton Reuters.
Ushtria amerikane, e cila sapo ka aktivizuar sistemin në Rumani, thotë se po mbrohet nga Irani e jo nga Rusia.
Ndërkohë që punimet për aktivizimin e sistemit tjetër, atij në Poloni janë në proces.
“Nëse dje në ato zona të Rumanisë, njerëzit thjesht nuk e kanë ditur çdo të thotë të jesh në shënjestër, atëherë sot ne do të jemi të detyruar të ndërmarrim masa të caktuara për të garantuar sigurinë tonë. E njëjta gjë vlen edhe për Poloninë”, tha Putin gjatë një konferencë të përbashkët për shtyp me kryeministrin grek Alexis Tsipras. /tesheshi.com/
