Në Itali, u konfirmua të mërkurën shifra e se 437 humbjeve njerëzore në 24 orët e fundit si rezultat i infeksionit koronavirus, duke sjellë numrin e përgjithshëm të tyre në 25.085.
Mbrojtja Civile Italiane tha se një ngadalësim në përhapjen e infeksionit ishte gjithsesi i dukshëm. Kështu, në 24 orët e fundit, kishte 3,370 raste të reja infeksioni, e deri më tani, në Itali janë konfirmuar 187.327 sëmundje COVID-19.
Numri i rasteve aktive të infeksionit koronavirus është 107,699 dhe është dhjetë më pak se një ditë më parë, thanë zyrtarët e mbrojtjes civile. Ata shtuan se aktualisht kishte 2,384 pacientë në njësi të kujdesit intensiv, duke rënë 87 nga dje, duke ulur presionin ndaj sistemit të kujdesit shëndetësor.
Epiqendra e epidemisë italiane mbetet rajoni verior i Lombardisë, me 12.740 jetëhumbje deri më tani.
Qeveria italiane pritet të paraqesë planin e rimëkëmbjes së vendit deri në fund të javës. Kryeministri Giuseppe Conte tha të martën se qeveria synon të fillojë heqjen e masave kufizuese, por duke respektuar masën distancuese sociale për të mbajtur nën kontroll përhapjen e infeksionit.
Përveç Evropës, OBSH ka shpallur Shtetet e Bashkuara epiqendrën e re të pandemisë, e cila u shfaq për herë të parë në fund të vitit të kaluar në qytetin kinez Wuhan. Më shumë se 180,700 njerëz kanë humnbur jetën deri më tani në të gjithë botën dhe mbi 2,600,000 raste infeksioni në më shumë se 185 vende janë konfirmuar, sipas të dhënave nga Universiteti Amerikan Johns Hopkins. Më shumë se 700,000 njerëz janë shëruar deri më tani. /tesheshi.com/
