Në kulmin e krizës në marrëdhëniet mes SHBA dhe Turqisë, mbreti saudit Selman dhe trashëgimtari për fronin e tij, Princi Muhamed, i kanë dërguar veç e veç telegrame presidentin turk Rexhep Tajip Erdogan, me rastin e festës kombëtare të Ditës së Fitores, e cila kremtohet më 30 gusht.
Agjencia arabe e lajmeve SPA publikoi dy njoftime në lidhje me një telegram drejtuar Erdogan nga ana e babait dhe djalit, dy sunduesve të Mbretërisë së Arabisë Saudite.
“Në emrin tim dhe në emër të popullit saudit, si dhe në emër të qeverisë, përcjell urimet e mia të sinqerta për presidentin dhe popullin vëlla të Turqisë, duke ju dëshiruar prosperitet dhe progres”, thuhet në telegram dërguar nga monarku saudit.
Ndërsa Princi Muhammad, i shkruan Erdoganit: “I nderuar president dhe populli i Republikës së Turqisë, iu shpreh urimet më të ngrohta duke dëshiruar për ju shëndet lumturi, progres dhe prosperitet”.
Këto dy urime nga Riadi drejt Ankarasë, vijnë në një kohë që dhe dy vendet me rol prijëtar në botën islame nuk po kalojnë kohë të ngrohta marrëdhëniesh. Është parë kjo në rastin e Katarit, ku ndërsa Arabia Saudite udhëheq një bllokadë ndaj këtij vendi të vogël të Gjirit, Turqia nga ana tjetër i ka dalë krah. /tesheshi.com/
