Mbreti saudit Salman ka mbajtur një bisedë telefonike me autoritetet amerikane lidhur me çështjen e masave të sigurisë të ngritura javën e kaluar nga autoritetet izraelite në kompleksin e xhamisë Al-Aqsa në Jerusalem.
Mbreti Salman gjatë bisedës telefonike pohoi të drejtën e muslimanëve palestinezë për të hyrë në xhaminë Al Aqsa.
“Mbreti saudit kontaktoi me presidentin e SHBA-së Donald Trump që të lejohet hapja e xhamisë Al-Aqsa për muslimanët dhe t’u lejohet atyre e drejta për adhurim, pas kufizimit të hyrjes në xhami të imponuar nga forcat izraelite”, thuhet në një deklaratë të lëshuar nga Gjykata Mbretërore e Arabisë Saudite, të lëshuar te enjten.
Deklarata shtoi se përpjekjet e Mbretit Salman kanë qenë të suksesshme, në kuptim që kanë kontribuar në rivendosjen e stabilitetit dhe sigurimit të të drejtave të adhuruesve dhe ruajtjen e dinjitetit dhe sigurisë së tyre.
Arabia Saudite afirmoi të drejtat e muslimanëve në xhaminë Al-Aqsa për të kryer ritet fetare në paqe.
Mbreti Salman nënvizoi domosdoshmërinë për të rivendosur stabilitetin dhe qetësinë në vendet e shenjta dhe zonat përreth.
Deklarata vuri theksin e Arabisë Saudite mbi rëndësinë e arritjes së një paqeje të drejtë dhe gjithëpërfshirëse për kauzën palestineze, në përputhje me iniciativën paqësore arabe dhe vizionin e një zgjidhjeje dy-shtetëshe.
Të enjten, policia izraelite njoftoi heqjen e të gjitha masave të sigurisë, që shkaktoi zemërim të ashpër te palestinezët dhe bota islame dhe përplasje të përgjakshme midis protestuesve palestinezë dhe forcave izraelite që nga 14 korriku.
Izraeli gjatë natës hoqi gjithë infrastrukturën e sigurisë që kishte vënë në këtë vend këtë muaj në hyrje të kompleksit të Xhamisë Aqsa në Qytetin e Vjetër të Jerusalemit./tesheshi.com/
