Braziliani Marcio Mizael Matolias, 44 vjeç, i njohur me nofkën “Mbreti i plazhit”, shënoi 22 vjet jete në një kështjellë rëre të ndërtuar në plazhin e Rio de Janeiro.
Shtëpia e tij e pazakontë, me të cilën në mënyrë efektive shmang shpenzimet e zakonshme të banimit , e ka bërë atë të famshëm në të gjithë vendin, transmeton Mirror.
Përveç të shijuarit të jetës në plazh, leximit të librave, lojës së golfit, ai merret edhe me peshkatari për të mbijetuar. Ai pëlqen të pozojë para kështjellës së tij, e cila duhet të meremetohet çdo ditë, sepse rëra, për shkak të nxehtësisë së madhe, thahet shpejt dhe rrënohet.
Ndryshe nga monarkët e tjerë, ky “mbret” riparimet në shtëpinë e tij i kryen vetëm, duke shtuar ujë në “muret” e kështjellës.
Por “rinovimi” i shpeshtë nuk e mërzit shumë dhe me krenari thekson se nuk dëshiron të ndryshojë stilin e jetës. “Jam rritur në gjirin e Guanabara dhe kam jetuar gjithmonë në plazh. Njerëzit paguajnë të holla të majme për të jetuar afër oqeanit, kurse unë nuk kam asnjë faturë, andaj edhe ndihem shumë rehat”, thotë Marcio.
Kështjella e tij ndodhet në një plazh në pronën e të cilit pasuria e patundshme arrin çmime marramendëse. Në kështjellë ka një dhomë me tre metra katrorë të mbushur me libra.
E vetmja gjë që i pengon, është rëra e cila mban nxehtësinë e diellit shumë të nxehtë, kështu që është e vështirë të fle natën në kështjellë. “Ndonjëherë nuk mund të fle nga të nxehtit, kështu që shkoj te ndonjë mik, dhe nganjëherë thjesht fle nën yje”, thotë ai. /tesheshi.com/
https://youtu.be/ULDqFyskZTw
