Suedia ka “dështuar” në përgjigjen e saj ndaj pandemisë së koronavirusit, tha të enjten mbreti Carl XVI Gustaf.
“Mendoj se kemi dështuar. Kemi një numër të madh të vdekjeve dhe kjo është e tmerrshme,” tha mbreti në një dokumentar për familjen mbretërore, klipi i së cilës u shfaq në televizionin publik SVT.
Në Suedi, e cila ka një popullsi prej rreth 10 milion, koronavirusi i ri ka vrarë më shumë se 7,800 njerëz, dukshëm më shumë se në vendet fqinje nordike.
“Kjo pandemi është e tmerrshme kur kemi parasysh se sa njerëz kanë vdekur, sa hidhërim dhe zhgënjim ka në shumë familje, por edhe midis pronarëve të bizneseve që janë në gjunjë”, tha mbreti Carl Gustav.
Më parë këtë javë, një komision qeveritar suedez arriti në përfundimin se vendi kishte dështuar kryesisht për të mbrojtur popullsinë e moshuar në shtëpitë për të moshuarit dhe të sëmurët, por edhe në institucionet e tjera.
I pyetur nëse kishte frikë nga një infeksion COVID, monarku 74-vjeçar tha se ishte “gjithnjë e më e prekshme kohët e fundit”.
“Eshtë gjithnjë e më afër. Nuk është diçka që ju dëshironi”, u përgjigj mbreti.
Sipas kushtetutës suedeze, mbreti nuk ka asnjë pushtet politik zyrtar dhe mund të kritikohej për tejkalimin e autoritetit të tij kur shprehte pikëpamjet e tij.
Në fillim të pandemisë, Mbreti dhe Mbretëresha Sylvia u izoluan në Pallatin Stenhammer, rreth 120 kilometra në jugperëndim të Stokholmit. Kohët e fundit, djali i tyre, Princi Carl Philip, shkoi në karantinë me gruan e tij pasi u konfirmua që ata ishin pozitivë ndaj virusit. /tesheshi.com/
