Mbreti Salman dhe Princi i Kurorës, Mohammed bin Salman, ftuan anëtarët e familjes së gazetarit të vrarë Jamal Khashoggi në pallatin mbretëror në Riad, duke u përcjellë ngushëllimet e tyre për humbjen tragjike të të dashurit të tyre .
Bëhet fjalë për vëllain Sahl bin Ahmed Khashoggi dhe djalin e të ndjerit, Salah Jamal Khashoggi.
Siç raportohet nga mediat saudite, të dy, Sahl dhe Salah, shprehën falënderimin e tyre ndaj dyshes udhëheqëse të Mbretërisë, duke përcjellë bindjen se as Princi e aq më pak Mbreti, kanë gisht në vrasjen e të dashurit të tyre, një ngjarje që ka tronditur opinionin vendas dhe atë ndërkombëtar.
I ndjeri Khashoggi, edhe pse kritik, ka qenë një ndër njerëzit me të afërt me familjes Mbretërore duke patur disa funksione të larta në vite.
Vdekja e Khashoggi u përshkrua si “vrasje” për herë të parë nga Ministri i Jashtëm saudit, Adel al-Jubeir të dielën.
Mbretëria pranoi të shtunën – 18 ditë pas incidentit – se Khashoggi vdiq në konsullatë, por e cilësoi vdekjen si pasojë e një “grindje të dhunshme” mes tij dhe anëtarëve të stafit.
Al-Jubeir i tha Fox Neës të dielën se mbretëria ishte “e vendosur të dënojë ata që janë përgjegjës për këtë vrasje”, ndërsa presidenti Erdogan propozoi që të dyshuarit të gjykoheshin në Turqi në vend të Arabisë Saudite. Riadi ende nuk ka reaguar ndaj kësaj kërkese të kreut të shtetit turk. /tesheshi.com/
