Mbreti i Belgjikës Philippe të martën shprehu për herë të parë në historinë belge “keqardhje të thellë për plagët e shkaktuara” gjatë sundimit kolonial belg në Republikën Demokratike të Kongos, në njohjen e parë të këtij lloji për vendin e tij, pas demonstratave globale të ndezura nga vrasja prej policisë se afro-amerikanit George Floyd në Shtetet e Bashkuara.
Mbreti Philippe, i cili u ngjit në fron në 2013, vendosi t’i dërgojë një letër me një mesazh Presidentit të Republikës Demokratike të Kongos, Felix Tshisekedi, me rastin e 60-vjetorit të pavarësisë së vendit.
Në letrën, e cila u botua në media, mbreti foli për epokën e ish-mbretit Leopold II. Sundimi i Leopoldit është përshkruar nga historianët si më mizori, dhe nga Brukseli ai vendosi për Kongon dhe pasurinë e vendit sikur të ishte pronë e tij private.
“Gjatë kohës së Shtetit të Lirë të Kongos (nga 1885 deri në 1908, kur ish-mbreti abdikoi dhe u largua nga Kongoja në Belgjikë), u kryen mizori brutale që vazhdojnë të rëndojnë kujtesën tonë kolektive,” shkroi ai.
“Periudha koloniale (deri në vitin 1960) shkaktoi vuajtje dhe poshtërim. Dua të shpreh keqardhjen time të thellë për këto plagë nga e kaluara, dhimbja e të cilave po ringjallet sot përmes diskriminimit që është akoma shumë i pranishëm në shoqëritë tona”, shtoi ai në letër.
Ora e së vërtetës
E përditshmja belge Le Soir vlerësoi iniciativën e mbretit në një artikull dhe shkroi: “Më në fund, u mor ky hap, i cili ishte i domosdoshëm dhe ngre reputacionin e mbretit dhe të Belgjikës”.
Mbreti konfirmoi se ai do të vazhdojë të “luftojë kundër të gjitha formave të racizmit”, pasi mobilizimi i quajtur “Të zinjtë janë të rëndësishëm” çuan në demonstrata në të gjithë botën.
“Unë inkurajoj dialogun e nisur nga parlamenti ynë, në mënyrë që kujtesa jonë të mund të qetësohet përfundimisht,” duke aluduar në krijimin e një komisioni për të studiuar të kaluarën koloniale me ekspertë belgë dhe afrikanë, i cili do të formohet pas një marrëveshjeje midis blloqeve politike.
Kryeministri belg Sophie Wilmes tha të martën se “ora e së vërtetës ka goditur në Belgjikë” dhe shtoi: “çdo punë për të ringjallur kujtesën dhe të vërtetën fillon së pari me pranimin e vuajtjes së tjetrit.”
Përdoruesit, aktivistët dhe gazetarët në Twitter reaguan në këtë platformë sociale ndaj njoftimit të Mbretit të Belgjikës. Ata vlerësuan faljen publike të Mbretit Philip për atë që ndodhi me popullin kongolez, e njëherësh kritikuan gjithçka që bënë mbretërit e gjyshit të tij gjatë okupimit. /tesheshi.com/
