Mbretëresha Margaret II e Danimarkës, shumë e popullarizuar në popull, mori dozën e parë të vaksinës COVID-19.
“Madhështia e saj Mbretëresha është vaksinuar kundër koronavirusit sot. Mbretëresha do të vaksinohet brenda tre javësh,” u tha në një deklaratë.
Margaret II festoi 80-vjetorin e lindjes në 2020 dhe është ndër të parët në vend që vaksinohet.
Autoritetet e kryeqytetit Kopenhagen planifikuan që së pari të vaksinojnë banorët e shtëpive të pensionistëve, mbi moshën 65 vjeç, të cilët janë të ndjeshëm ndaj shëndetit dhe personelin mjekësor që janë më të ekspozuarit.
Gati 30,000 njerëz nga 5.8 milion njerëz në Danimarkë, të cilët në përgjithësi dëgjojnë rekomandimet e autoriteteve shëndetësore, kanë marrë një injeksion të vaksinës Pfizer / BioNTech që nga fillimi i fushatës më 27 dhjetor.
Margaret II gëzon një reputacion të madh në atë monarki skandinave.
“Unë do të qëndroj në fron derisa të bie nga ai,” tha artistja, poliglotja dhe zotëruesja e shumë talenteve, burri i së cilës, Princi Henry, i lindur në Francë, vdiq në 2018.
Familja e Princit të Kurorës daneze Frederik ishte në izolim në fillim të dhjetorit pasi djali i madh, Princi Christian, u diagnostikua me COVID-19. /tesheshi.com/
