Mbretëresha e Britanisë së Madhe do të braktisë Buckingham Palace. Një zhvendosje e përkohshme për shkak të disa ndërhyrjeve që do të bëhen për mirëmbajtjen e pallatit për shkak të problemeve me sistemin hidraulik dhe elektrik.
Punimet duhet të zgjasin rreth një vit dhe mbretëresha Elisabetta II për këtë periudhë kohe duket se ka vendosur të zgjedhë si banesën e saj, kështjellën Windosor, rreth 40 kilometra në jug të Londrës.
Lajmi i publikuar nga Times dhe Daily Telegraph po bën xhiron e botës. Që prej vitit 1837, kur mbretëresha Viktoria zgjodhi Buckingham si rezidencën zyrtare, familja mbretërore nuk e ka braktisur kurrë për periudha të gjata kohe Pallatin, as gjatë bombardimeve në kohën e Luftës së Dytë Botërore.
Ndërhyrjet në banesë do të kushtojnë rreth 150 milionë sterlina, që i thonë rreth 211 milionë euro. Është një shifër rreth tre herë më e lartë, krahasuar me vlerësimet e bëra rreth dy vite më parë. Buckingham Palace, një kryevepër e arkitektit John Nash, nuk i është nënshtruar as një lloj mirëmbajtjeje apo riparimi që prej vitit 1952./tesheshi.com/
