Kur njerëzit përgjithësisht mundohen të kujtojnë gjërat që kanë bërë në të shkuarën e tyre dhe që ndoshta i ruajnë edhe sot e kësaj dite në memorie, apo që kanë konservuar për një kohë të gjatë, e kanë disi të vështirë të veçojnë një element të vetëm e ta vënë në qendrën e vëmendjes për tua treguar edhe të tjerëve.
Mirëpo, 73-vjeçari Otha Anders me siguri që ka diçka tepër interesante për të treguar, ndërsa koha kalon, pasi ai vijon të kultivojë interesin dhe pasionin e tij të madh, në dukje të parëndësishëm, por që në fakt është një pasuri e vërtetë.
Që në vitet ’70-të Andres ka koleksionuar çdo monedhë peni që ka arritur të mbledhë. Për të është një mënyrë e kalimit të kohës dhe një farë mënyre edhe një lidhje e veçantë me njerëzit. Burri ka koleksionuar qindarka për më shumë se 4 dekada dhe më në fund vendosi t’i kthejë këto monedha në para kesh.
Shuma që ai ka arritur të mbledhë e të grumbullojë nuk është bërë publike, por është lënë në një testament për trashëgimtarët e të moshuarit, të cilët do të jenë ata që do të mësojnë për koleksionin e një jete të tërë./tesheshi.com/
