Kuvendi i Kosovës do të mblidhet ditën e sotme ndërsa ende nuk është futur në rend dite çështja e marrëveshjes për demarkacionin me Malin e Zi.
Sot në Kuvend do të emërohet anëtari i Këshillit Drejtues të Institutit Gjyqësor të Kosovës si dhe do të shqyrtohet propozimi për shpalljen e 5 Shtatorit – “Dita e Bamirësisë – Nëna Terezë”.
Disa ditë më parë Kryekuvendari Veseli, paralajmëroi se do ketë seancë më 7 korrik, pikërisht për ratifikimin e Demarkacionit me Malin e Zi.
“S’ka pushim pa u kryer obligimet”, tha ai. Dhe sipas Veselit, nuk është mirë të dëmtohen raportet fqinjësore. /tesheshi.com/
