Fotot e një tryeze rreth së cilës ishin ulur të përjashtuarit nga listat e kandidatëve për deputetë të PD-së tregojnë se diçka e madhe po zien brenda Partisë Demokratike vetëm një muaj para zgjedhjeve.
Deputetët aktualë Majlinda Bregu, Astrit Patozi, Arben Imami dhe Jozefina Topalli duket se po përgatisin rrugën për të sulmuar kryetarin e partisë, Lulzim Basha, brenda partisë para zgjedhjeve të 25 qershorit.
Ata kërkojnë t’a shkarkojnë atë nga drejtimi i partisë në shenjë zemërate pasi i la jashtë listave të deputetëve. Të gjithë i përkasin asaj që quhet ‘kasta e vjetër’ e PD-së, një pjesë e së cilës është ‘spastruar’ nga Basha në listat e reja të kësaj partie. Disa prej tyre ishin kritikë të hapur të Bashës gjatë kohës që opozita u fut në çadër dhe vendosi të bojkotojë zgjedhjet.
Por këtij grupi nuk i është bashkuar deputeti Eduart Selami dhe pse ka qenë kritik i hapur i rrugës që po ndiqte opozita para marrëveshjes me Ramën.
Një suprizë ka qenë reagimi i tij sot, ku mbështet Bashën.
“Koha për fushatë, jo për analiza. Lista ka mbështetjen time. Suksese”, shprehet deputeti demokrat.
Ndonëse nuk u përfshi në listën e PD-së për zgjedhjet e 25 qershorit, deputeti Eduard Selami ka dhënë mbështetje maksimale për kandidatët.
