Byroja e Kuvendit do të mblidhet sërish sot për ish-Kryeministrin Sali Berisha. Bëhet fjalë për një kërkesë që ka bërë grupi parlamentar i PS-së për përjashtimin me 10 ditë nga Kuvendi deputetin demokrat.
Ishte Gramoz Ruçi ai që iu drejtua Kuvendit me një kërkese të enjten gjatë seancës plenare të radhës, për t’u mbledhur dhe përjashtuar Berishën nga seancat plenare, pasi ky i fundit përdori fjalë të rënda në drejtim të kryeministrit Edi Rama. Berisha e quajti Ramën “kriminel”.
“Rama me një racizëm të ulët, të ndyrë antishqiptar e antikombëtar paraqet Veriun si pullë kriminelësh dhe dijeni të dashur qytetar nga rrethet e Veriut e Verilindjes se ky është koncepti i tij antishqiptar për ju. Ky s’është zotëri, është një kriminel i vërtetë…”, tha Berisha dje./tesheshi.com/
