Nuk do të përshkallëzojmë situatën, jemi pro dialogut. Me këto fjalë iu drejtua Presidenti i rajonit të Katalonjës parlamentit të mbledhur pasditen e sotme, ku ishte paralajmëruar shpallja e pavarësisë në mënyrë të njëanshme.
“Dua të ndjek dëshirën e popullit të Katalonjës për t´a shpallur një vend të pavarur.
Rezultatet e referendumit treguan se ne duhet të jemi një shtet i pavarur. Dua të ndjek dëshirën e popullsisë katalanase për ta shpallur një vend të pavarur. Kjo është ajo çfarë duhet të bëjmë sot në dëshirë të katalanësve.
Por në fakt këtë do ta pezullojmë përtej dëshirës së popullit, do ta pezullojmë deri sa të fusim në funksion rezulitatet e referendumit. Ju e dini që pas referendumit ne po mundohemi të futemi në dialog. Gjithçka ka qenë e vështirë. Kemi qenë në sytë e të gjithë botës.
Personalitete të mëdha, anëtarë nga kombet e bashkuara. Shumë institucione të larta në Europë na kanë kërkuar dialog. Duhet të dëgjohet edhe zëri i tyre,” deklaroi presidenti i Katalonjës.
“Nuk mund të kemi një statistikë të saktë duke marrë parasysh kushtet e votimit, janë sekuestruar fletë votimi dhe janë penguar shumë persona për të votuar, por pavarësisht gjithë këtyre, referendumi u bë. U bë gjithçka për ta ndaluar referendumin. Dua të falënderoj të gjithë ata që mundën të votonin. Veçanërisht dua të falënderoj, në fakt jo ta falënderoj por më shumë se kaq. Më vjen shumë keq për të gjithë ta që u lënduan. Ne nuk do ta përshkallëzojmë situatën, ne jemi pro dialogut.”, tha Puigdemont.
Në vijim ai tha se ajo çfarë unë do të propozoj nuk është fiksimi im por një sërë mendimesh të bashkuara së bashku.
“Kemi bërë vlerësimin e rezultateve të fundit, dhe ndodhemi këtu sepse u mbajt një referendum në kushte shumë të vështira.
Kjo është hera e parë në demokraci që ka ndodhur diçka e tillë. Policia ka bllokuar votimin, ju ka mohuar të drejtën e votimit. Dhe për shkak të veprimeve të policisë u dëmtuan dhe kanë pasur nevojë për ndërhyrje të menjëhershme në spital”, shtoi ai. /tesheshi.com/
