Kryeministri Rama mblodhi Komitetin e Rindërtimit, kjo për herë të tretë, po ku për herë të parë nuk pati në krah dyshen e misioneve humanitare Elvis Naçi-Arbër Hajdari. Por shefi i qeverisë aty u përqëndrua, me emërimin e Ilir Hoxhollit, bashkëpunëtor me të dy, si Sekretar të Rindërtimit.
“Duke ia besuar Hoxhollit ne realizojmë edhe një qëllim të mirë të këtij Komiteti, që jo thjeshtë qeveria të bëjë transparencë mbi vetveten, por të jenë në vëzhgim të procesit, të shpenzimit, të ardhurave, jo vetëm nga donacionet, por edhe nga buxheti i shtetit, por edhe nga burimet e tjera”, tha Rama.
Premtimi i tij që ai që 2021-shi të mos gjejë asnjë njeri në çadër.
Objektivi është që brenda 2020 të gjithë ata që sot jetojnë në fshat, që për arsye legjitime nuk janë spostuar në sistemin e qirave në zonat urbane dhe thjeshtë kanë kërkuar një çadër, duhet të futen në shtëpitë e reja. Asnjë nuk mundet dot ta lëmë që të kalojë vitin e ri 2021 në çadër.
Ky është objektivi i parë dhe besoj që do të jemi gati që me pranverën dhe maksimalisht marsi të fillojë spostimi i familjeve që jetojnë në fshat, në shtëpitë e reja. Gjithashtu brenda 9 mujorit të parë duhet të rindërtohen shkollat dhe spitalet. Viti i ri shkollor për fëmijët duhet të nisë në shkollat e reja. Lagjet e reja, ambicia është që brenda 6 mujorit të parë t’i kemi në kantier, do të kërkojnë më shumë kohë”, shtoi Rama. /tesheshi.com/
