Ministrat e Jashtëm të vendeve anëtarë të NATO-s janë mbledhur sot në Turqi, ku do të diskutojnë për krizën në Ukrainë dhe rrezikun e Shtetit Islamik. Ministrat u mirëpritën nga Sekretari i Përgjithshëm i NATO-s Jens Stoltenberg dhe ministri i Jashtëm i Turqisë Mevlut Cavusoglu.
Në takimin që do të zgjasë dy ditë në Antalia merr pjesë gjithashtu edhe ministri i Jashtëm shqiptar Ditmir Bushati. NATO do të shqyrtojë në dy ditë bisedime një kërkesë të Irakut për trajnim të forcave ushtarake të tij dhe gjithashtu një kërkesë të ngjashme edhe për forcat libiane.
Shefja e politikës së jashtme të BE Federica Mogherini do të informojnë ministrat e NATO-s për misionin e Bashkimit Europian për shkatërrimin e anijeve të kontrabandistëve në brigjet libiane. Një mënyrë kjo për të parandaluar fatkeqësitë e mëdha që po ndodhin në Mesdhe. Ukraina dhe lufta kundër Shtetit Islamik do të dominojnë bisedimet. /tesheshi.com/
