Sa afër ashtu edhe larg Madrid-it. Rezultatet jo të mira të regjistruara javët e fundit e kanë vënë në shënjestër trajnerin Rafael Benitez, që tashmë mund të jetë shkarkuar.
Presidenti i klubit, Florentino Perez, ka thirrur bordin në një mbledhje urgjente për të diskutuar lidhur me të ardhmen e trajnerit spanjoll. Vetëm pak javë më parë, Perez i kishte dalë në mbrojtje teknikut duke thënë se pavërsisht se çfarë do ndodh Benitez do qëndrojë.
Dështimet e njëpasnjëshme mund t’i kenë mbushur mendjen Perez për ta shkarkuar pasi madrilienët nuk kanë treguar asnjë shenjë pozitiviteti që nga ballafaqimi në El Clasico. Që nga ajo kohë, Real Madrid ka humbur dy duele të tjera dhe ka barazuar në një të tillë.
Pasardhës i Benitez-it mund të jetë legjenda e klubit Zinedine Zidane, që aktualisht drejton skuadrën B të Real Madrid-it. /tesheshi.com/
