Zv.ministrja e Financave, Irena Beqiraj duke sqaruar situatën e partneritetit publik-privat , tha se nuk bëhet fjalë për lëshim të drejtave të shtetit te privati, siç është mbledhja e TVSH, por e cilësoi si investim të madh që sjell dobi.
Sipas saj, nuk bëhet fjalë për koncension, por partneritet publik- privat dhe nuk do të ketë kosto shtesë për biznesin.
“Dokumenti shpjegon qartë nismën e Ministrisë së Financave për të realizuar partneritetin publik-privat, që synon të modernizojë sistemin teknologjik dixhital që monitoron transaksionet e shitjes me shumicë dhe pakicë në Shqipëri. Nuk japim asnjë lëshim tek të drejtat ekskluzive të shtetit për tek privati. Nuk i japim asnjë të drejtë privatit në mbledhjen e të ardhurave për privatin”, u shpreh Beqiraj./tesheshi.com/
