Për reformën zgjedhore s´duhet të ketë debat. Kjo mësohet të ketë qenë porosia e kreut të grupit parlamentar socialist, Taulant Balla, për ligjvënësit e kësaj partie në mbledhjen e zhvilluar sot në mëngjes.
Të njëjtin qëndrim mësohet të ketë mbajtur edhe Bledi Çuçi, i cili bashkë me Oerd Bylykbashin nga PD, do të drejtojnë komisionin ad-hoc për këtë reformë. Ndërkohë, PD ka kërkuar zhvillimin e një debate, i cili u shty të enjten e kaluar me kërkesë të LSI-së. Udhëzimi i Ballës mbetet i paqartë, nëse PS nuk do të lejojë sërisht zhvillimin e debatit, duke krijuar një tjetër situatë përplasjeje me opozitën, apo deputetët e PS-së nuk do të flasin në seancë për këtë çështje.
Burimet bëjnë të ditur se gjithashtu kryeministri Edi Rama ka kërkuar nga deputetët socialist të shmangin përplasjet në seancë me opozitën, ndërsa ka mbështetur zhvillimin e një debate konstruktiv. /tesheshi.com/
