Mbledhja e 6 në radhë e dy qeverive, një risi e kryeministrit Rama qyshse erdhi në pushtet, ka sjellë vendimin që Porti i Durësit të jetë dhe i Kosovës.
Marrëveshja që së shpejti do firmosim për procedurat doganore të mallrave na çon në një destinacion të paimagjinueshëm, shndërrimin e Durrësit në një port defacto edhe të Kosovës. Do trajtohet si i Kosovës në momentin kur mallrat zbarkojnë aty.
Vitin e kaluar bashkëpunimi mes dy vendeve shënoi pikën më të lartë të shkëmbimeve tregtare mes vendeve.
Ndërlidhja, sidomos dixhitale dhe hekurudhore, do kërkojë kohë po shkon paralel me atë që po realizojmë, një port të përbashkët të Shqipërisë e Kosovës në funksion të gjithë rajonit.
Së shpejti nisim ndërtimin e hekurudhës Tiranë-Durrës, ashtu sikur edhe korridori digjital Prishtinë-Tiranë”, theksoi i pari i qeverisë shqiptare.
Nga ana tjetër, Rama theksoi dhe njëherë synimin për heqjen përfundimtar të kufirit mes Kosovës dhe Shqipërisë.
“Arrijmë që të organizojmë së bashku këtë takim të gjashtë ndërqeveritar pikërisht në 100-vjetorin e kryeqytetit. Përpara se të vinim këtu kemi pasur bisedë miqësore me kryeministrin. Për një projekt të përbashkët rikualifikimi urban të qytetit historik të shqiptarisë.
Takimet ndërqeveritare janë zhvilluar në frymën e një vllazërie. Janë një mundësi shumë e mirë për të bërë një bilanc për hapat e hedhur si dhe të vendosim piketa për hapat e ardhshëm. Hapat e hedhur nuk janë të vegjël megjithëse distancat deri në përmbushjen e vizionit mbetet e madhe.
Nëse i referohemi mbledhjes së fundit, të gjitha marrëveshjet që arritëm janë në proces zbatimi ose janë zbatuar. Mund të përmend hapjen e pikave kufitare Morinë – Vërmicë. Kjo falë punës së mirë të forcave policore kufitare por kjo nuk mjafton dhe ambicia jonë është heqja e kufirit në funksion të zbatimit të 4 lirive të Bashkimit Europian duke filluar nga më e thjeshta dhe më kuptimplota”, tha Rama. /tesheshi.com/
