Nga Auron Tare
E kaluara jonë gjendet dhe mes ferrave. Ilustrim për këtë është një mbishkrim oriential gjendur së fundi në Libohovë. Historia jonë, edhe pse një pjesë e mirë e saj gjendet në ndikime të botës orientiale, deri me sot nuk ka një korpus të saj mbi relike të formave të ndryshme të kësaj trashëgimie të vyer, mes të cilave janë dhe mbishkrimet.
Një të tillë po e servirim, gjendur rastëssht:
Ah minelmevt
Vezir şehid Yanyalı arslan
Pasan sülalesinden ve tepe
delenli Ali paşanın
müşir-i ordusu ve hazinedari
(mer)hum begin ogullarindan Rumeli
Beglerbegi payelulerinden Malik
Paşanın ruhuna Fatiha sene 1309
Lexoi dhe përktheu: Dr. Mehmet Tutuncu
Përkthimi shqip:
Nga Familja e Vezirit dhe Martirit Asllan Pasha i Janinës dhe Gjeneral i ushtrive të Ali Pashës së Tepelenës dhe i biri i hazinedarit mbajtës i rankut të Bejlerbeut të Rumelisë Malik Pasha, lutu me një Fatiha për shpirtin e tij.
Viti 1309-1893
Po kush ishte Malik Pasha
Malik Pasha (Arsllanpashali) një personazh i rëndësishëm i Jugut shqiptar në shek. 19, Bejlebej i Rumelise, mik i Ismail Kemalit por totalisht i panjohur nga historiografia moderne shqiptare. Nip i Shanishasë së tmerrshme, motres së Aliut, djali i një prej gjeneralëve të Aliut dhe njerëzve të besuar të tij. Pinjoll i familjes së famshme feudale të Arsllan Pashalijve të Janinës. Pronar i madh tokash në Janinë dhe me gjerë sot dergjet i harruar përveç këtij guri varri që mrekullisht ka mbetur pa u zhdukur në një cep të mbushur me shkurre pranë rrapit shekullor në Libohovë.
E të mendosh se sa të tilla janë ende të panjohura e ndoshta mes ferrave. Për këtë arsye, nuk do ishte e tepërt të thuaj se historia jonë kanë nevojë të pastrohet nga ferrat. /tesheshi.com/
