Përmasat e pakënaqësisë ndaj presidentit amerikan Donald Trump mund të dallohen fare qartë në një peticion në Britani për ta penguar vizitën e tij në këtë vend.
Numri i nënshkruesve të këtij peticioni i ka kaluar një milion, me nënshkrimet të shtuara dendur pas urdhrit ekzekutiv të Trump-it në fundjavë që u ndalon lejon hyrjen në SHBA refugjatëve sirianë dhe qytetarëve të shtatë vendeve muslimane.
Peticioni e nxit Britaninë të tërheqë një ftesë për Trump-in që të vizitojë Londrën e të takojë mbretëreshën.
“Donald Trump duhet lejuar që të hyjë në Mbretërinë e Bashkuar si shefi i qeverisë amerikane, por nuk duhet ftuar për të bërë një vizitë shtetërore zyrtare…,” thuhet në rreshtat e peticionit.
Siç është rregulli, peticionet duhen marrë në shqyrtim për debat nga ligjvënësit me t’i kaluar njëqind mijë nënshkrimet. Sipas BBC-së, çështja do të diskutohet të martën nga parlamentarët.
Ndërkaq, në qytetet britanike priten protesta pas orës 18:00 në kundërvënie ndaj urdhrit ekzekutiv të Trump-it. /tesheshi.com/
