Mbi 50 trupa të pajetë emigrantësh gjenden në hambarin e anijes së nisur nga Libia

Rojat Bregdetare italiane raportoi se ka gjetur mbi 50 emigrantë të asfiksuar në hambarin e një anijeje që ishte nisur nga Libia. Trupat e tyre janë gjetur gjatë një operacioni shpëtimi, në kanalin e Siçilisë, ku janë arritur të nxirren të gjallë mbi 430 të tjerë.

Anija suedeze “Poseidon”, që bashkëpunon me agjencinë për kontrollin e kufijve të BE-së, Frontex, erdhi në ndihmë të emigrantëve në anijen ku në fund, ata gjetën edhe trupat e pajetë.

Më shumë se 2400 persona kanë humbur jetën në det këtë vit, ndërsa përpiqeshin të hyjnë në Europë ilegalisht.

Ndërkaq, përpara samitit të samitit të Vjenës ku emigracioni përbën një temë dominuese, ministri i Jashtëm,  Sebastian Kurz u shpreh se rregullat për azilkërkuesit nuk po funksionojnë. Ai nënëvizoi dështimin e rregullores së Dublinit, që kërkon regjistrimin e azilkërkuesve në vendin e parë ku ata shkelin brenda BE-së. /tesheshi.com/